Աշխարհի նորընծա չեմպիոն, Փարիզի ՊՍԺ-ի արգենտինացի հարձակվող Լիոնել Մեսին բանակցություններ է սկսել իր նախկին ակումբ կատալոնական «Բարսելոնայի» հետ, հայտնում է AS-ը:
«Ոսկե գնդակի» 7-ակի դափնեկիրը դիտարկում է կատալոնական ակումբ վերադառնալու տարբերակը:
ՊՍԺ-ի հետ 35-ամյա ֆուտբոլիստի գործող պայմանագիրն ավարտվում է 2023 թվականի հունիսի 30-ին:
Հիշեցնենք, որ Մեսին «Բարսելոնայի» գույները պաշտպանել է 2003-2021-ին: Նա ակումբի պատմության լավագույն ռմբարկուն է և անցկացրած 778 խաղում խփել է 672 գոլ ու կատարել 303 ասիստ:
