Ֆրանսիական ՊՍԺ-ի արգենտինացի հարձակվող Լիոնել Մեսին կարող է բաց թողնել Չեմպիոնների լիգայի 1/8 եզրափակիչում կայանալիք Մյունխենի «Բավարիայի» դեմ խաղը, հայտնում է L'Equipe-ը:
Աշխարհի նորընծա չեմպիոն Արգենտինայի հավաքականի ավագը ստացել է ծնկի վնասվածք, ինչի հետևանքով բաց կթողնի Լիգա 1-ում փարիզյան ակումբի հաջորդ խաղը: Կա հավանականություն, որ 35-ամյա ֆուտբոլիստը չի մասնակցի նաև փետրվարի 14-ին Փարիզում կայանալիք «Բավարիայի» դեմ առաջին խաղին:
Հիշեցնենք, որ ավելի վաղ հայտնի էր դարձել, որ գերմանական ակումբի դեմ խաղը, ամենայն հավանականությամբ, բաց կթողնի ՊՍԺ-ի ևս մեկ աստղային հարձակվող Կիլիան Մբապեն:
Չեմպիոնների լիգայի ընթացիկ մրցաշրջանում Մեսին մասնակցել է 5 խաղի, խփել չորս գոլ, կատարել չորս արդյունավետ փոխանցում:
