Աշխարհի չեմպիոն Արգենտինայի հավաքականի ավագ Լիոնել Մեսին Մայամիում խուսափել է լուրջ վթարից:
Արգենտինական TyC Sports հեռուստաալիքի ցուցադրած կադրերում երևում է՝ ինչպես է «Ինտեր Մայամիի» նորեկը սպիտակ ամենագնացով հեռանում ակումբի մարզաբազայից: Ոստիկանության մեքենայի ուղեկցությամբ ընթացող Մեսին խաչմերուկն անցնում է կարմիր լույսի տակով ու վթարային իրավիճակ ստեղծում: Բարեբախտաբար, արգենտինացին խուսափում է լուրջ վթարից:
Messi hitting a red light while being followed by Miami state police is the craziest thing you'll see today 😭🚨pic.twitter.com/XffTUD2TJD
— TM (@TotalLeoMessi) July 15, 2023
Հիշեցնենք, որ Լիոնել Մեսիի պաշտոնական շնորհանդեսն «Ինտեր Մայամիում» կկայանա հուլիսի 16-ին: 36-ամյա ֆուտբոլիստը 2021 թվականի օգոստոսից մինչև 2022/2023 մրցաշրջանի ավարտը խաղում էր Ֆրանսիայի չեմպիոն ՊՍԺ-ում:
