Ֆրանսիական ՊՍԺ-ի արգենտինացի հարձակվող Լիոնել Մեսին գոլի հեղինակ է դարձել Լիսաբոնի «Բենֆիկայի» դեմ Չեմպիոնների լիգայի խմբային փուլի 3-րդ տուրի խաղում և սահմանել ռեկորդ:
«Ոսկե գնդակի» 7-ակի դափնեկիրը Պորտուգալիայում ընթացող խաղի հաշիվը բացել է 22-րդ րոպեին՝ Չեմպիոնների լիգայում առաջին անգամ գրավելով «Բենֆիկայի» դարպասը:
Squawka-ի հաղորդմամբ՝ 35-ամյա Մեսին պատմության առաջին ֆուտբոլիստն է, որը 40 տարբեր թիմերի դեմ խաղերում գոլ է խփել Չեմպիոնների լիգայում:
Առաջին խաղակեսից հետո «Բենֆիկա» - ՊՍժ խաղի հաշիվը հավասար է: 41-րդ րոպեին ֆրանսիական գրանդի կազմում ինքնագոլի հեղինակ է դարձել պորտուգալացի կիսապաշտպան Դանիլու Պերեյրան:
Բոլոր մրցաշարերում Լիոնել Մեսին գոլի հեղինակ դարձավ 6-րդ խաղում անընդմեջ:
