Բելգիայի հավաքականի և «Բրյուգեի» 21-ամյա հարձակվողական ոճի կիսապաշտպան Շարլ դե Կետելարեն «Միլանի» գլխավոր տրանսֆերային ցանկությունն է այս ամռան համար, տեղեկացնում է Calciomercato-ն:
Իտալիայի չեմպիոնը բելգիացու տրանսֆերն իրականացնելու համար պատրաստ է 30 միլիոն եվրո՝ գումարած 5 միլիոն բոնուս վճարել «Բրյուգեին»: Ավելի վաղ Բելգիայի չեմպիոնը մերժել է «ռոսոներիների» կատարած 27 միլիոն եվրոյի առաջարկը:
Շարլ դե Կետելարեն «Բրյուգեի» սան է, որի գլխավոր թիմում խաղում է 2019 թվականի հուլիսից: Ֆուտբոլիստի պայմանագիրը բելգիական ակումբի հետ նախատեսված է մինչև 2024 թվականի հունիսի 30-ը:
Հիշեցնենք, որ ընթացիկ տրանսֆերային պատուհանի ընթացքում «Միլան» է տեղափոխվել բելգիացի հարձակվող Դիվոկ Օրիգին:
