Իտալական «Միլանը» պաշտոնից ազատել է տեխնիկական տնօրեն Պաուլո Մալդինիին:
Ջանլուկա Դի Մարցիոյի պաշտոնական կայքի տեղեկություններով, իտալացի լեգենդար ֆուտբոլիստի հետ հեռացել է նաև ակումբի մարզական տնօրեն Ֆրեդերիկ Մասարը:
Միլանյան գրանդի սեփականատեր Ջերի Կարդինալեն Մալդինիին ու Մասարին տեղեկացրել է, որ այլևս չեն մտնում ակումբի ծրագրերում: Նրա և տնօրենների միջև եղել է լուրջ կոնֆլիկտ ու տարաձայնություններ տրանսֆերային քաղաքականության վերաբերյալ:
Հիշեցնենք, որ Ա Սերիայի ավարտված մրցաշրջանում «Միլանը» զբաղեցրեց չորրորդ տեղը, իսկ Չեմպիոնների լիգայում հասավ կիսաեզրափակիչ, որտեղ երկխաղյա դիմակայությունում պարտվեց «Ինտերին» (0-2, 0-1):
