Բրազիլիայի հավաքականի և Մադրիդի «Ռեալի» պաշտպան Էդեր Միլիտաոն վնասվածք է ստացել Թունիսի դեմ ընկերական խաղում, գրում է AS-ը:

Լիլում կայացած հանդիպման 2-րդ րոպեին Միլիտաոն արդեն որոշ անհարմարություններ է զգացել, բայց որոշել է շարունակել խաղը: 57-րդ րոպեին 27-ամյա ֆուտբոլիստն ի վերջո փոխարինվել է՝ ցույց տալով ցավի նշաններ: Նախնական զննումները ցույց են տվել, որ Միլիտաոն մկանային վնասվածք ունի, ինչի հետևանքով կարող է բաց թողնել 3-4 շաբաթ:

Առաջիկա օրերին «Ռեալի» պաշտպանը նոր բուժզննում կանցնի: