«Sex and the City» սերիալի աստղ Քրիս Նոթը, որը մարմնավորում է Միստր Բիգին, խոսել է նկարահանման հրապարակում Սառա Ջեսիկա Փարքերի և Քիմ Քեթրոլի կոնֆլիկտների մասին:
Նոթը չի ափսոսում, որ Քեթրոլը չի նկարահանվել նախագծի շարունակությունում: «Ես չգիտեմ, թե ինչն է նրան մղում այդ քայլին: Ես գիտեմ, որ շատ մտերիմ եմ Սառա Ջեսիկայի հետ, և այն, թե ինչպես է Քեթրոլը խոսում նրա մասին, հեռու է իրականությունից», – կիսվել է նա The Guardian-ին տված հարցազրույցում:
Պատճառները, թե ինչու Քեթրոլը հրաժարվեց նկարահանվել նոր նախագծում, նա չկարողացավ նշել: «Կցանկանայի, որ այս ամենը չլիներ, շատ տխուր ու անհարմար է»,- ասել է նա՝ անդրադառնալով դերասանուհիների միջև կոնֆլիկտին: Նա նաև ակնարկել է, որ Սառա Ջեսիկա Փարքերին չպետք է մեղադրել վիճաբանության մեջ: «Ես ինձ պարտավոր եմ զգում պաշտպանել նրան», – կիսվել է Քրիս Նոթը:
Լրատվամիջոցները հայտնում են, որ դերասանուհիների միջև տարաձայնությունները ծագել են «Sex and the City»-ի 5-րդ սեզոնի նկարահանման հրապարակում, երբ Քեթրոլը պարզել է, որ Փարքերը ավելի շատ է վարձատրվում, քան ինքը:
