Միլանի «Ինտերի» կիսապաշտպան Հենրիխ Մխիթարյանը Չեմպիոնների լիգայի 1/8 եզրափակիչի առաջին խաղում պորտուգական «Պորտուի» նկատմամբ հաղթանակից հետո գրառում է կատարել սոցցանցերում:
«Կարևոր հաղթանակ էր առաջին խաղում՝ այսօր երեկոյան տանը»,- գրել է 34-ամյա ֆուտբոլիստը:
Հիշեցնենք, որ Հայաստանի ազգային հավաքականի նախկին ավագն «Ինտերի» մեկնարկային կազմում էր դուրս եկել խաղադաշտ և փոխարինվել էր 72-րդ րոպեին:
«Ինտերը» տնային խաղում 1-0 հաշվով հաղթանակ էր կորզել, 86-րդ րոպեին գոլի հեղինակ էր դարձել փոխարինման դուրս եկած բելգիացի հարձակվող Ռոմելու Լուկակուն:
Դիմակայության պատասխան հանդիպումը տեղի կունենա մարտի 14-ին Պորտուգալիայում:
Ընթացիկ մրցաշրջանում Հենրիխ Մխիթարյանը միլանյան ակումբի կազմում մասնակցել է 30 հանդիպման, դարձել երեք գոլի և մեկ գոլային փոխանցման հեղինակ:
