Ֆրանսիացի հայտնի նկարիչ Ստեֆան Սիպրն իր աշխատանքներից մեկում պատկերել է իտալական «Ինտերի» կիսապաշտպան Հենրիխ Մխիթարյանին: 35-ամյա ֆուտբոլիստն այդ աշխատանքի լուսանկարը հրապարակել է սոցցանցերում՝ գրելով՝ «Նկարչի արվեստանոցում»:
Նկարի վրա Մխիթարյանի թիկունքում պատկերված են բոլոր այն ակումբների տարբերանշանները, որտեղ խաղացել է Հայաստանի ազգային հավաքականի նախկին ավագը:
Հիշեցնենք, որ կիսապաշտպանը մինչև այս խաղացել է նաև իտալական «Ռոմայում», անգլիական «Մանչեսթեր Յունայթեդում» և «Արսենալում», Դորտմունդի «Բորուսիայում», Դոնեցկի «Շախտյորում» և «Մետալուրգում», Երևանի «Փյունիկում»:
