Անգլիական «Մանչեսթեր Յունայթեդը» համաձայնության է եկել Թուրինի «Յուվենտուսի» հետ ֆրանսիացի կիսապաշտպան Ադրիեն Ռաբիոյի տրանսֆերի շուրջ։
The Guardian-ը հայտնում է, որ անգլիական ակումբը տրանսֆերի համար թուրինյան գրանդին կվճարի մոտ 17,8 միլիոն եվրո: Այժմ Ռաբիոն անձնական պայմանագրի մանրամասների շուրջ բանակցություններ է վարում «Մանչեսթեր Յունայթեդի» հետ։
Հիշեցնենք, որ Ադրիեն Ռաբիոն 2008-2009 թվականներին խաղացել է «Մանչեսթեր Սիթիի» ակադեմիայում։ 27-ամյա կիսապաշտպանը «Յուվենտուսի» կազմում անցկացրել է 129 հանդիպում:
