Մադրիդի «Ռեալի» կիսապաշտպան Լուկա Մոդրիչը կարող է կարիերան շարունակել Պրեմիեր լիգայում։
El Nacional-ի հաղորդմամբ՝ խորվաթ ֆուտբոլիստի ու «Արքայական» ակումբի բանակցությունները նոր պայմանագրի շուրջ այդքան էլ հարթ չեն ընթանում։
36-ամյա ֆուտբոլիստը ցանկանում է երկու տարվա պայմանագիր, բայց «Ռեալն» առաջարկում է միայն մեկը՝ չնայած Մոդրիչը պատրաստ է աշխատավարձի նվազեցման։
Իրավիճակից կարող է օգտվել «Մանչեսթեր Սիթին»։ Ակումբը հետևում է իրավիճակին, իսկ «քաղաքայինների» գլխավոր մարզիչ Խոսեպ Գվարդիոլան հանդիսանում է Մոդրիչի տաղանդի երկրպագուն։
Մոդրիչը «Ռեալի» ֆուտբոլիստ է դարձել 2012 թվականին՝ տեղափոխվելով «Տոտենհեմից»։ Ընթացիկ մրցաշրջանում կիսապաշտպանը Լա լիգայի 20 խաղում դարձել է 5 գոլային փոխանցման հեղինակ։
