տուր
01 Հունվար 1970 - 19:53
- -
«Ատլետիկոյի» հարձակվող Ալվարո Մորատան նշել է՝ որ ֆուտբոլիստն է եղել իր կարիերայի ամենաբարդ մրցակիցը, որ ֆուտբոլիստներն են եղել իր ֆուտբոլային կուռքերը և որն է իր ամենասիրելի գոլը:
«Ամենաբարդ մրցակիցս եղել է Ջորջո Կյելինին. նա աշխարհի լավագույն պաշտպաններից մեկն է: Երբ նրա դեմ եմ խաղում, նա ինձ անդադար շփոթեցնում է:
Իմ ֆուտբոլային կուռքերը եղել են Ռաուլը, Ֆերնանդո Տոռեսը և Դավիդ Վիլյան: Նրանք Իսպանիայի հավաքականի հարձակվողներն էին, ու ես մեծացել եմ՝ հետևելով նրանց խաղին:
Իմ ամենասիրելի գոլը «Վիլյառեալի» դարպասը խփածս գոլն է. այն առաջինն էր «Ատլետիկոյի» կազմում: Մինչ այդ խաղը ես 2 անգամ գոլի հեղինակ դարձա, բայց մրցավարը 2 դեպքում էլ չարձանագրեց դրանք, ուստի՝ այդ գոլը կրկնակի արժեք ունեցավ ինձ համար», – Մորատայի խոսքերն է փոխանցում AS-ը:
