Կոտդիվուարցի կենտրոնական հարձակվող Մորի Կոնեն վերադարձել է «Շիրակ», հայտնում է ակումբի մամուլի ծառայությունը։

28-ամյա ֆուտբոլիստը Մորի Կոնեն «Շիրակում» խաղացել է նաև 2019-2020թթ․։ Հաջորդ մեկ տարին նա անցկացրել է Երևանի «Արարատում», որտեղից 2021թ․ սեպտեմբերին տեղափոխվել էր ունգարական «Ույպեշտ»։ Հարձակվողի նախորդ ակումբը եղել է թուրքական «Տուզլասպորը»։

Կոնեն ազատ գործակալի կարգավիճակում է միացել «Շիրակին»։ Transfermarkt-ը նրա տրանսֆերային արժեքը գնահատում է 150 հազար եվրո։