«Յուվենտուսի» գլխավոր մարզիչ Տիագո Մոտան խոսել է թուրինյան գրանդի սերբ հարձակվող Դուշան Վլախովիչի ու ակումբի երկրպագուների վեճի մասին:
«Երկրպագուներն ունեն արտահայտվելու ազատություն, այդ թվում՝ սուլելու: Ձեզ կարող են քննադատել, բայց չեն վիրավորում։ Սա տհաճ է լսել։ Վլախովիչն առաջին ֆուտբոլիստն է, որը մտադիր է իրողություն փոխել, երկրպագուներն ազատ են արտահայտել իրենց զգացմունքները, բայց միշտ հարգանքով»,- 42-ամյա մասնագետի խոսքը մեջբերում է Football Italia-ն։
«Յուվենտուսի» ֆան շարժման անդամները սուլել էին թիմի ֆուտբոլիստներին հետնապահ «Վենեցիայի» դեմ Իտալիայի Ա սերիայի 16-րդ տուրի տնային հանդիպումից հետո (2-2)։ Երկրպագուների պահվածքը դժգոհություն էր առաջացրել «Յուվենտուսի» հարձակվող Դուշան Վլախովիչի մոտ, նա նախ` ժեստով ցույց է տվել, որ չպետք է այդքան դաժան վերաբերվեն խաղացողներին։ Սակայն «Յուվենտուսի» ուլտրասները շարունակել են սուլել ֆուտբոլիստներին, ինչից հետո Սերբիայի հավաքականի ֆուտբոլիստը հեգնական ժեստ է ցույց տվել նրանց:
