Հունիսի 16-ից Հնդկաստանի Մումբայ քաղաքում ընթացող Aurionpro Mumbai International Grandmaster Chess Tournament 2025 միջազգային մրցաշարում Հայաստանի ներկայացուցիչներ Մամիկոն Ղարիբյանը, Արսեն Դավթյանն ու Մանուել Պետրոսյանն առաջատարների թվում են։

Հայ շախմատիստները հաղթել են մեկնարկային բոլոր երեք պարտիաներն ու բաժանում են 1-24-րդ տեղերը։ Լրացուցիչ ցուցանիշներով առաջատարը վրացի Լևան Պանցուլայան է։

Չորրորդ մրցափուլը կկայանա հունիսի 19-ին, մեկնարկը` Երևանի ժամանակով 15:30-ին։ 9 տուրից բաղկացած մրցաշարը կավարտվի հունիսի 24-ին։