տուր
01 Հունվար 1970 - 13:28
- «Տոտենհեմի» գլխավոր մարզիչ Ժոզե Մոուրինյոն հայտարարել է, որ հարձակվող Հյոն Մին Սոնը ստացած վնասվածքի պատճառով կարող է բաց թողնել ընթացիկ մրցաշրջանի մնացած հատվածը:
«Չեմ կարծում, թե նրան այս մրցաշրջանում կրկին կտեսնենք խաղադաշտում: Եթե Սոնը հասցնի 1-2 հանդիպման մասնակցել, ապա դա կլինի նրա շնորհիվ, որ նա (ակումբի մամուլի քարտուղարը՝ խմբ․) շատ լավատես է, և ես հուսով եմ, որ վերջինս ճիշտ է: Բայց իմ կարծիքը հետևյալն է՝ ոչ: Ես այդպես չեմ կարծում:
Սայմոնը (մամուլի քարտուղարը՝ խմբ․) շատ գեղեցիկ ձևակերպում էր տվել, սակայն եթե ես գրեի այդ հայտարարությունը, ապա դա այլ կերպ կանեի: Այնպես որ Սոնը, ինչպես պնդում է Սայմոնը, շարքից դուրս է մնացել մի քանի շաբաթով»,- պորտուգալացի մասնագետի խոսքերը մեջբերում է Football Daily-ն:
Լոնդոնյան ակումբի պաշտոնական հայտարարության մեջ նշված էր, որ Սոնը բաց է թողնելու մի քանի շաբաթ, վերականգնման կոնկրետ ժամկետներ չէին հրապարակվել:
«Տոտենհեմի» առանցքային ֆուտբոլիստներից մեկի ապաքինման համար, The Athletic պարբերականի գնահատմամբ, կպահանջվի 6-8 շաբաթ:
Զուման պատմել է՝ ինչպես է Մոուրինյոն վիրավորելով մոտիվացրել իրեն
