«Ակնհայտ է, որ այս օրն ինձ համար նման չէ որևէ այլ օրվան: Մյունխենի «Բավարիայի» խաղացողի իմ 25 տարին կավարտվի ամռանը: Դա անհավատալի ճանապարհորդություն էր՝ ձևավորված եզակի փորձառություններով, հիանալի հանդիպումներով և անմոռանալի հաղթանակներով: Ես անսահման երախտագիտություն և ուրախություն եմ զգում այս ակումբի հետ կապված իմ առանձնահատուկ կապի մեջ: Պատրաստվում ենք ամեն ինչ տալ՝ Բունդեսլիգայի տիտղոսը Մյունխեն վերադարձնելու համար և հասնելու մեր բաղձալի Finale Dahoam-ին (ՉԼ եզրափակիչին-խմբ.)»,- ասել է 35-ամյա Մյուլերը:

Մյուլերը «Բավարիայի» գլխավոր թիմում հանդես է գալիս 2009 թվականի հուլիսից: Մյունխենյան գրանդի հետ նա երկուական անգամ հաղթել է Չեմպիոնների լիգան, աշխարհի ակումբային առաջնությունը և ՈՒԵՖԱ-ի Սուպերգավաթը, 12 անգամ` Բունդեսլիգան, 6 անգամ` Գերմանիայի գավաթը, 8 անգամ` Սուպերգավաթը:

35-ամյա գերմանացին «Բավարիայի» մարզաշապիկով անցկացրել է 743 խաղ, խփել 247 գոլ և կատարել 273 ասիստ: