Գերմանիայի հավաքականի գլխավոր մարզիչ Յուլիան Նագելսմանը կարծիք է հայտնել հարձակողական ոճի կիսապաշտպան Ֆլորիան Վիրցի մարզավիճակի մասին, գրում է Sky Sports-ը:
«Անկեղծ ասած՝ «Լիվերպուլում» ստեղծված իրավիճակը դուր չի գալիս Ֆլոյին: Նրա ակումբն այս մրցաշրջանում անկայուն է:
«Սիթիի» դեմ նրանք նախորդ 90 տարիների վատագույն խաղն անցկացրին:
Վիրցի շուրջ իրավիճակն այլ կլիներ, եթե «Լիվերպուլի» ֆուտբոլիստներն օգտագործեին այն գոլային պահերը, որոնք նա ստեղծում է»,- ասել է գերմանացին:
Անգլիական ակումբ տեղափոխվելուց հետո Վիրցը մասնակցել է 16 խաղի և կատարել 3 գոլային փոխանցում:
