Մյունխենի «Բավարիայի» գլխավոր մարզիչ Յուլիան Նագելսմանը խոսել է Չեմպիոնների լիգայի 1/8 եզրափակիչում ֆրանսիական ՊՍԺ-ի դեմ պատասխան հանդիպման իր սպասելիքներից:
«Ինձ համար կարևոր է խաղաոճը, սակայն արդյունքը կարող է պայմանավորված լինել որոշ հանգամանքներով: Շնորհիվ առաջին խաղում տարած հաղթանակի մենք ավելի շատ շանսեր ունենք դիմակայությունում, և մեր խաղաոճը մրցաշրջանի ընթացքում կախված է եղել իրավիճակից:
Ֆուտբոլիստներին ասել եմ, որ չորեքշաբթի շատ կարևոր խաղ է լինելու, և մենք պետք է հավատով լցվենք: Այս մրցակցին հաղթելը շատ դժվար է, քանի որ նրանք Եվրոպայի լավագույն թիմերից են»,- Նագելսմանի խոսքը մեջբերում է France24-ը:
Հիշեցնենք, որ «Բավարիա» - ՊՍԺ հանդիպումը կկայանա մարտի 8-ին: Առաջին խաղն ավարտվել է մյունխենյան ակումբի՝ 1-0 հաշվով հաղթանակով:
