Սերբիայի վարչապետ Ջուրո Մացուտի հրամանով՝ «Ցրվենա Զվեզդայի» և Հայաստանի ազգային հավաքականի պաշտպան Նաիր Թիկնիզյանին տրվել է Սերբիայի անձնագիր։

Սերբական անձնագրի շնորհիվ 26-ամյա ֆուտբոլիստը երկրի Սուպերլիգայում այլևս չի համարվի լեգեոներ։ Սուպերլիգայում նույն ակումբի կազմում միաժամանակ կարող են խաղադաշտում լինել առավելագույնը 4 ֆուտբոլիստ, որոնք չունեն ԵՄ անձնագիր։

Դրանից բացի, Թիկնիզյանը եվրոպական որևէ այլ երկրի ակումբ տեղափոխվելու դեպքում նույնպես չի համարվի լեգեոներ։

Հայ ֆուտբոլիստը Բելգրադը ներկայացնող ակումբում է 2025թ. հուլիսից, 10 խաղում կատարել է 1 ասիստ է։