Բասկետբոլի ազգային ասոցիացիայում (NBA) կայացավ կիսաեզրափակիչ սերիայի առաջին հանդիպումը, որտեղ «Բոսթոնն» ընդունել էր «Ինդիանային»:

Մրցավեճն ավարտվեց տանտերերի կամային հաղթանակով:  Խաղավարտից 10 վայրկյան առաջ «Բոսթոնը» պարտվում էր 3 միավորով, սակայն «Սելթիկսի» հարձակվող Ջեյլեն Բրաունի 3 միավորանոց նետումը խաղը տեղափոխեց օվերթայմ:

«Սելթիքսը» ձեռքից բաց չթողեց հնարավորությունը և 133-128 հաշվով առավելության  հասավ մրցակցի նկատմամբ: