Բասկետբոլի ազգային ասոցիացիայի (NBA) կանոնավոր առաջնության հերթական խաղային օրը «Լոս Անջելես Լեյքերսն» ընդունեց «Ատլանտա Հոքսին» և հաղթեց 119-102 հաշվով։

Տանտերերից NBA-ի պատմության լավագույն ռմբարկու, ամերիմացի հարձակցող Լեբրոն Ջեյմսը վաստակեց 30 միավոր, կատարեց 8 ասիստ և 3 ռեբաունդ, իսկ հանդիպման ամենաարդյունավետ բասկետբոլիստ դարձավ «Հոքսի» խաղարկող պաշտպան Թրեյ Յանգը` 33 միավոր, 9 ռեբաունդ։

Արևելյան կոնֆերենցիայի առաջատար «Քլիվլենդ Կավալյերսը» մրցակցի մանրահատակի վրա 134-122 հաշվով պարտության մատնեց «Դալաս Մավերիքսին»։

Հանդիպման ամենաարդյունավետ բասկեբոլիստը հյուրերի ամերիկացի ծանր հարձակվող Էվան Մոբլին էր` վաստակելով 34 միավոր, 10 անգամ տիրելով օղակից անդրադարձած գնդակին, 4 անգամ օգնելով աչքի ընկնել խաղընկերներին։ Նա դաբլ-դաբլ գրանցեց։

Արևմտյան կոնֆերենցիայի առաջատար «Օկլահոմա Սիթի Թանդերը» նույնպես հերթական հաղթանակը տարավ և 117-107 հաշվով ուժեղ գտնվեց «Նյու-Յորք Նիքսից»։

«Թանդերի» կանադացի խաղարկող պաշտպան Շեյ Գիլջես-Ալեքսանդրը վաստակեց 33 միավոր, կատարեց 7 ռեբաունդ և 4 ասիստ ու դարձավ հանդիպան ամենաարդյունավետ բասկետբոլիստ։

«Դենվեր Նագեթսը» տնային խաղում անակնկալ պարտություն կրեց «Սան Անտոնիո Սփյորսից»` 110-113։ «Նագեթսից» արդյունավետ հանդիպում անցկացրեց NBA-ի եռակի ամենաարժեքավոր խաղացող (MVP) ճանաչված, սերբ կենտրոնական Նիկոլա Յոկիչը (41 միավոր, 18 ռեբաունդ, 9 ասիստ), իսկ «Սփյորսից»` ֆրանսիացի ծանր հարձակվող Վիկտոր Վեմբանյաման (35 միավոր, 18 ռեբաունդ, 4 ասիստ)։

Գործող չեմպիոն չեմպիոն «Բոստոն Սելթիքսը» հյուրընկալվելիս 109-86 հաշվով առավելության հասավ «Հյուսթոն Ռոքեթսի» նկատմամբ։

NBA, կանոնավոր առաջնություն

«Լոս Անջելես Լեյքերս» - «Ատլանտա Հոքս»` 119-102 (31-28, 34-29, 31-29, 23-16)

«Հյուսթոն Ռոքեթս» - «Բոստոն Սելթիքս»` 86-109 (31-37, 25-28, 16-17, 14-27)

«Դալաս Մավերիքս» - «Քլիվլենդ Կավալյերս»` 122-134 (21-32, 32-37, 32-31, 37-34)

«Օկլահոմա Սիթի Թանդեր» - «Նյու Յորք Նիքս»` 117-107 (33-30, 21-36, 26-22, 37-19)

«Դենվեր Նագեթս» - «Սան Անտոնիո Սփյորս»` 110-113 (30-32, 22-28, 38-27, 20-26)