Բասկետբոլի ազգային ասոցիացիայի (NBA) կանոնավոր առաջնության հերթական տուրում «Լոս Անջելես Լեյքերսն» առանց NBA-ի պատմության լավագույն ռմբարկու դարձած Լեբրոն Ջեյմսի 106-115 հաշվով պարտվել է «Միլուոկի Բաքսին»:

Խաղի ամենաարդյունավետ բասկետբոլիստ է ճանաչվել «Բաքսի» առաջատար Յանիս Ադետոկունբոն, որը դարձել է դաբլ-դաբլի հեղինակ՝ վաստակելով 38 միավոր, գրանցելով 10 ռեբաունդ: Հույն բասկետբոլիստը նաև կատարել է 6 ասիստ:

«Միլուոկին» տարել է 9-րդ անընդմեջ հաղթանակը և երկրորդն է Արևելյան կոնֆերենցիայում: «Լեյքերսը» 13-րդն է Արևմուտքում:

NBA, կանոնավոր առաջնություն

«Լեյքերս» — «Միլուոկի»՝  106-115 (31-26, 27-24, 23-38, 25-27)

«Օռլանդո» — «Դենվեր»՝  115-104 (29-26, 36-29, 24-29, 26-20)

«Ատլանտա» — «Ֆինիքս»՝  116-107 (36-22, 20-25, 37-28, 23-32)

«Բրուքլին» — «Չիկագո»՝  116-105 (19-26, 34-24, 26-34, 37-21)