Ֆրանսիական «Լիոնի» բրազիլացի կիսապաշտպան Բրունո Գիմարայնսը պաշտոնապես տեղափոխվել է «Նյուքասլ»՝ հաղորդում է անգլիական ակումբի մամուլի ծառայությունը: Բրազիլիայի հավաքականի ֆուտբոլիստն անգլիական ակումբում հանդես կգա «39» համարի մարզազգեստով:
Ակումբի պաշտոնական կայքը հաղորդում է, որ խաղահամարի ընտրությունը պայմանավորված է ֆուտբոլիստի հոր հետ: Վերջինը Բրազիլիայում ժամանակին տաքսի է վարել, որի համարը եղել է «039»: Բրունոն ֆրանսիական ակումբում ևս հանդես էր գալիս «39» համարի խաղաշապիկով:
Bruno Guimarães will wear the number 39 shirt for Newcastle United.
— Keith Downie (@SkySports_Keith) January 30, 2022
His dad is a taxi driver in Brazil and his cab number is 39.
He also wore 39 at Lyon #NUFC
🚖 🇧🇷 3️⃣9️⃣ pic.twitter.com/Wi04aBeajx
«Կաչաղակների» գլխավոր մարզիչ Էդի Հաուն խոսել է բրազիլացու տեղափոխության մասին.
«Բրունոն տաղանդ է, նա եղել է մեր հիմնական տրանսֆերային թիրախներից, ուստի ես ուրախ եմ նրան մեր թիմում տեսնելու համար: Նա կուժեղացնի կազմը, Գիմարայնսը պատրաստ է գալիք մարտահրավերին:
Նա եղել է Ֆրանսիայի՝ աչքի ընկնող կատարողներից մեկը: Ես կասկած չունեմ, որ մեր երկրպագուներն իսկապես հաճույք կստանան նրա խաղը դիտելուց: Մենք անհամբեր սպասում ենք նրան ակումբում ողջունելուն, երբ նա վերադառնա հավաքականի ճամբարից»,- Հաուի խոսքը մեջբերում է ակումբի մամուլի ծառայությունը:
