Կանադական The Hockey Writers պորտալը ներկայացրել է նախորդ 20 տարիներին Calder Trophy մրցանակը ստացած հոկեյիստների վարկանիշային աղյուսակը, որը գլխավորում է NHL-ի բոլոր ժամանակների գլխավոր դիպուկահար Ալեքսանդր Օվեչկինը: Calder Trophy-ն տրվում է Հոկեյի ազգային լիգայում առաջին ամբողջական մրցաշրջանն անցկացրած լավագույն հոկեյիստին:
Նորամուտի մրցաշրջանում (2005/06) ռուս հարձակվողը վաստակել է 106 միավոր (52 գոլ, 54 ասիստ)՝ 1993 թվականից հետո դառնալով առաջին նորեկը, որը հատել է 100 միավորի շեմը: 1992/93 մրցաշրջանում «Վինիփեգ Ջեթսի» կազմում 132 միավոր վաստակել է ֆին Թեմու Սելյանեն:
| 1 | Ալեքս Օվեչկին | «Վաշինգտոն Քեփիթալզ» | 2005–06 |
| 2 | Եվգենի Մալկին | «Պիտսբուրգ Պինգվինս» | 2006–07 |
| 3 | Օսթոն Մեթյուզ | «Տորոնտո Մեյփլ Լիֆս» | 2016–17 |
| 4 | Մեթյու Բարզալ | «Նյու Յորք Այլենդերս» | 2017–18 |
| 5 | Կիրիլ Կապրիզով | «Մինեսոտա Ուայլդ» | 2020–21 |
| 6 | Սթիվ Մեյսոն | «Կոլամբուս Բլու Ջեքեթս» | 2008–09 |
| 7 | Արտեմի Պանարին | «Չիկագո Բլեքհոքս» | 2015–16 |
| 8 | Էլիաս Պետերսոն | «Վանկուվեր Քենաքս» | 2018–19 |
| 9 | Ջեֆ Սկիներ | «Կարոլինա Հարիքեյնս» | 2010–11 |
| 10 | Մորից Զայդեր | «Դետրոյթ Ռեդ Ուինգս» | 2021–22 |
39-ամյա Օվին ավարտված մրցաշրջանում գոլերի քանակը հասցրեց 895-ի, շրջանցեց լեգենդար Ուեյն Գրեցկիին՝ NHL-ի պատմության մեջ ամենաշատ տափօղակ նետած հոկեյիստների անվանացանկում բարձրանալով առաջին տեղ:
