ՈՒԵՖԱ-ի պաշտոնական կայքում հրապարակվել է Հայաստանի փոխչեմպիոն «Նոայի» ու Կիպրոսի չեմպիոն ԱՊՕԵԼ-ի միջև Կոնֆերենցիաների լիգայի հիմնական փուլի 5-րդ տուրում կայանալիք հանդիպման մրցավարական անձնակազմը։
Հանդիպումը սպասարկելու են սերբ մրցավարներ։ Գլխավոր մրցավար է նշանակվել Միլոշ Միլանովիչը, որին եզրերում կօգնեն Միլան Պաշայլիչը և Նովակ Նովակովիչը, չորրորդ պաշտոնյան լինելու է Միլան Իլիչը, իսկ տեսակրկնապատկերների VAR համակարգի պատասխանատուները` Մոմչիլո Մարկովիչն ու Նովակ Սիմովիչը։
«Նոա» - ԱՊՕԵԼ հանդիպումը կայանալու է դեկտեմբերի 12-ին Վազգեն Սարգսյանի անվան «Հանրապետական» մարզադաշտում, մեկնարկելու է 21:45-ին ու ցուցադրվելու է Fast Sports հեռուստաալիքի եթերում:
