Հայաստանի Պրեմիեր լիգան ներկայացնող «Նոան» հայտարարեց պաշտպան Վասպուրակ Մինասյանի և եզրային հարձակվող Էդգար Մովսեսյանի հետ պայմանագիր կնքելու մասին:
«Փյունիկի» սան Մինասյանը նախկինում խաղացել էր Չարենցավանի «Վանում», Կապանի «Գանձասարում», Երևանի «Ալաշկերտում»: 29-ամյա ֆուտբոլիստն ազատ գործակալի կարգավիճակում է տեղափոխվել «Նոա»:
«Ուրարտուի» (նախկինում՝ «Բանանց») սան Մովսեսյանը մինչև այս խաղացել էր «Վանում», Երևանի «Փյունիկում», ԲԿՄԱ-ում և ռումինական «Ֆորեստայում»: 24-ամյա ֆուտբոլիստը նախկինում մեկ տարի անցկացրել էր «Նոայում», ակումբն այդ ժամանակ ուներ «Արցախ» անվանումը: Մովսեսյանն ազատ գործակալի կարգավիճակում է միացել «Նոային»:
Ֆոտո՝ «Նոայի» մամուլի ծառայություն
