Երևանի «Նոան» Կատարի մայրաքաղաք Դոհայում ընկերական խաղում կմրցի Սանկտ Պետերբուրգի «Զենիթի» դեմ, հայտնում է Ռուսաստանի չեմպիոնի մամուլի ծառայությունը։
Հանդիպումը կկայանա հունվար 27-ին, մեկնարկը` Երևանի ժամանակով 18:30-ին։
Ակումբները նախկինում երկու անգամ մրցել են ընկերական խաղում։ Հանդիպումներից մեկում ռուսական թիմը հաղթել է 3-0 հաշվով, իսկ մյուսն ավարտվել է գոլազուրկ ոչ-ոքիով։
Հայաստանի փոխչեմպիոն «Նոան» հունվարի 20-ին մեկնել է Դոհա, որտեղ մինչև փետրվարի 10-ը կանցկացնի ուսումնամարզական հավաք։
