«Արսենալի» հարձակվող Կայ Հավերցն ազդրի լուրջ վնասվածքի պատճառով ընթացիկ մրցաշրջանում այլևս դուրս չի գա խաղադաշտ, հայտնում է ինսայդեր Դավիդ Օրնշտեյնը:
Գերմանացին վնասվածք է ստացել Դուբայում կայացած մարզման ժամանակ: «Զինագործների» բժշկական անձնակազմը դեռևս հստակ որոշում չի կայացրել հնարավոր վիրահատության վերաբերյալ:
Այս մրցաշրջանում 25-ամյա ֆուտբոլիստը մասնակցել է 34 խաղի, որոնցում խփել է 15 գոլ, կատարել 5 ասիստ:
