Անգլիայի Պրեմիեր լիգայի 24-րդ տուրի մեկնարկային խաղում «Նոթինգհեմ Ֆորեսթը» տանը 7-0 հաշվով հաղթեց «Բրայթոնին»: Հեթ-տրիկ գրանցեց նորզելանդացի հարձակվող Քրիս Վուդը:
Պորտուգալացի Նունու Էշպիրիտու Սանտուի թիմը 47 միավորով ամրապնդվեց երրորդ տեղում, 6 միավորով գերազանցում է լավագույն քառյակը եզրափակող, երկրի գործող չեմպիոն «Մանչեսթեր Սիթիին»: 47 միավոր ունի նաև երկրորդ տեղում գտնվող Լոնդոնի «Արսենալը»: «Բրայթոնը» 34 միավորով 9-րդն է:
Անգլիայի Պրեմիեր լիգա, 24-րդ տուր
«Նոթինգհեմ Ֆորեսթ» - «Բրայթոն»` 7-0 (տեսանյութ)
Լյուիս Դանք, 12 (ինքնագոլ), Մորգան Գիբս-Ուայթ, 25, Քրիս Վուդ, 32, 64, 69 (11մ), Նեկո Ուիլյամս, 89, Ժոտա Սիլվա, 90+1
Անգլիայի Պրեմիեր լիգայի բոլոր հանդիպումները՝ Fast TV հավելվածում (iOS, Android):
