Լյուբլյանայի «Օլիմպիայի» ավագ Ագուստին Դոֆոն «Կոպերի» դեմ Սլովենիայի առաջնության 5-րդ տուրի խաղի առաջին կեսում կորցրել է գիտակցությունը, ինչից հետո փոխարինվել է, հայտնում է Sportal-ը:
Խաղային դրվագում արգենտինացի հենակետայինը հարված է ստացել գլխին և կարճ ժամանակով կորցրել է գիտակցությունը: Բարեբախտաբար, վնասվածքը լուրջ չի եղել, և Դոֆոն կարողացել է ինքնուրույն հեռանալ խաղադաշտից:
Ակումբի մամուլի ծառայությունը հայտնել է, որ Դոֆոն հիվանդանոցում հետազոտություններ է անցել, և նրա հետ ամեն ինչ կարգին է: Այս պահին պարզ չէ՝ նա կկարողանա՞ մասնակցել «Նոայի» դեմ Կոնֆերենցիաների լիգայի որակավորման փլեյ-օֆֆի առաջին խաղին, թե՞ ոչ:
Agustin Doffo je zaradi udarca v glavo predčasno zapustil domačo tekmo s Koprom. Preventivno je opravil pregled v bolnišnici, zdaj pa se že počuti bistveno bolje.
— NK Olimpija Ljubljana (@nkolimpija) August 18, 2025
Kapetanu želimo čim hitrejši povratek na zelenice! Drži se, Doffo! 🇦🇷👑 pic.twitter.com/0M6CaLsnHy
Ագուստին Դոֆոն «Օլիմպիայի» առանցքային խաղացողներից է. նա 2024/25 մրցաշրջանում թիմի կազմում մասնակցել է 48 հանդիպման, խփել 2 գոլ, կատարել 6 գոլային փոխանցում:
«Նոայի» դեմ օգոստոսի 21-ին կայանալիք տնային խաղին նախորդած տնային հանդիպումն «Օլիմպիան» պարտվել է 1-3 հաշվով:
Կարդացեք նաև՝
