Մյունխենի «Բավարիայի» տնօրենների խորհրդի նախագահ Օլիվեր Կանը նշել է նախորդ տարվա ամռանը նորվեգացի հարձակվող Էրլինգ Հոլանդի տրանսֆերային իրավունքը Դորտմունդի «Բորուսիայից» ձեռք չբերելու պատճառը:
«Հոլանդի հետ պայմանագիր կնքելը հիանալի քայլ կլիներ, բայց մենք մտադիր չէինք որևէ բան անել, որը կվտանգեր մեր ֆինանսական կայունությունը: Այժմ «Բավարիան» պարտքեր չունի»,- Օլիվեր Կանի խոսքը մեջբերում է L’Equipe-ը:
Հիշեցնենք, որ 22-ամյա Հոլանդը 60 միլիոն եվրոյով տեղափոխվել էր անգլիական «Մանչեսթեր Սիթի», որի կազմում ընթացիկ մրցաշրջանում անցկացրած 34 խաղում խփել է 33 գոլ և կատարել 5 գոլային փոխանցում:
