Օրերս հայտնի դարձավ 2023 թվականի «Օսկար» մրցանակի հավակնորդների անունները։ Գլխավոր անվանակարգը` «Լավագույն ֆիլմ»-ը, ներառում է «Ավատար. Ջրի ուղին», «Ֆաբելմանները», «Տրտմության եռանկյունի»-ն և այլ ֆիլմեր:
Առանձնացրել ենք 10 ֆիլմ, որոնք արժե դիտել մինչև մրցանակաբաշխությունը, որը տեղի կունենա մարտի 12-ի գիշերը Լոս Անջելեսում.
1. Մարտին ՄակԴոնահի «Ինիշերինի բանշիները»
IMDb վարկանիշը՝ 7,8
9 անվանակարգ՝ «Լավագույն ֆիլմ», «Լավագույն ռեժիսոր», «Լավագույն օրիգինալ սցենար», «Լավագույն դերասան», «Երկրորդ պլանի լավագույն դերասան» (2 անվանակարգ), «Երկրորդ պլանի լավագույն դերասանուհի», «Լավագույն մոնտաժ», «Լավագույն սաունդթրեք»
Սա պատմություն է երկու տղամարդկանց մասին, որոնք ժամանակին ընկերներ են եղել: Բայց աստիճանաբար նրանց ճանապարհները բաժանվում են այն պատճառով, որ նրանցից մեկն իր ընկերոջը սկսում է չափազանց ձանձրալի համարել։ Կհաջողվի՞ արդյոք նրանց վերականգնել նախկին ջերմ հարաբերությունները, թե՞ հետդարձի ճանապարհ չկա։
2. Բազ Լուրմանի «Էլվիս»-ը
IMDb վարկանիշը` 7.4
8 անվանակարգ՝ «Լավագույն ֆիլմ», «Լավագույն դերասան», «Լավագույն օպերատորական աշխատանք», «Կոստյումների լավագույն ձևավորում», «Բեմադրիչի լավագույն աշխատանք», «Լավագույն մոնտաժ», «Լավագույն դիմահարդարում և վարսահարդարում», «Լավագույն ձայն»
Ֆիլմը պատմում է ռոքնռոլի արքա Էլվիս Փրեսլիի կյանքի մասին՝ մանկությունից մինչև հասուն տարիներ։ Գլխավոր հերոսներից մեկին կարելի է համարել մենեջերին, որի հետ երգիչը բավականին բարդ հարաբերություններ ուներ։
3. Սթիվեն Սփիլբերգի «Ֆաբելմանները»
IMDb վարկանիշը՝ 7,7
7 անվանակարգ՝ «Լավագույն ֆիլմ», «Լավագույն ռեժիսոր», «Լավագույն օրիգինալ սցենար», «Լավագույն դերասանուհի», «Երկրորդ պլանի լավագույն դերասան», «Լավագույն սաունդթրեք», «Լավագույն բեմադրող նկարիչ»
Կինոռեժիսոր Սթիվեն Սփիլբերգը որոշել է կիսաինքնակենսագրական պատմություն նկարահանել այն մասին, թե ինչպես է հայտնվել կինոաշխարհում։ Ֆիլմն սկսվում է նրանից, որ ծնողներն առաջին անգամ տանում են որդուն կինոթատրոն։ Կինոաշխարհով տպավորված՝ նա աստիճանաբար սկսում է հետաքրքրվել նկարահանումներով։
4. Ռայան Քուգլերի «Սև հովազ. Ընդմիշտ Վականդա»
IMDb վարկանիշ` 7.2
5 անվանակարգ՝ «Երկրորդ պլանի լավագույն դերասանուհի», «Լավագույն վիզուալ էֆեկտներ», «Լավագույն սաունդթրեք», «Լավագույն դիմահարդարում և վարսահարդարում», «Լավագույն ձայն»
Սուպերհերոսական ֆիլմ՝ կենտրոնացած Marvel-ի Սև հովազի կերպարի վրա։ Ֆիլմը պատմում է աֆրիկացի ժողովրդի մասին, որը հասել է զարգացման անհավանական մակարդակի։ Հերոսները բազմաթիվ փորձությունների միջով են անցել, բայց հիմա նրանք ստիպված կլինեն դիմակայել ևս մեկին։ Կարո՞ղ են այս մարդիկ գոյատևել:
5. Ջեյմս Քեմերոնի «Ավատար. Ջրի ուղին»
IMDb վարկանիշը՝ 7,9
4 անվանակարգ՝ «Լավագույն ֆիլմ», «Լավագույն վիզուալ էֆեկտներ», «Լավագույն սաունդթրեք», «Լավագույն ձայն»
«Ավատարի» 2-րդ մասի իրադարձությունները ծավալվում են 1-ին մասի գործողություններից 10 տարի անց։ Մենք կտեսնենք, թե ինչպես է Ջեյքը թողնում իր տունը և շարունակում ուսումնասիրել Պանդորան՝ թաքնվելով թշնամիներից:
Կարող եք կարդալ նաև`
Կարևորն աշխարհն է. Ջեյմս Քեմերոնը վերականգնեց հավատը մեծ կինոյի նկատմամբ
6. Դեմիեն Շազելի «Բաբելոնը»
IMDb վարկանիշը՝ 7,6
3 անվանակարգ՝ «Լավագույն սաունդթրեք», «Լավագույն դիմահարդարում և սանրվածք», «Լավագույն ձայն»
Գործողությունները տեղի են ունենում 1920-ականների Հոլիվուդում։ Հենց այդ ժամանակ սկսեցին հայտնվել ձայնային ֆիլմերը և ձեռք բերել ժողովրդականություն։ Համր կինոյի դերասանները փորձեցին ձուլվել նոր իրականությանը. Նրանցից ո՞ւմ հաջողվեց, և ո՞վ մնաց հետևում։
7. Մեթ Ռիվզի «Բեթմենը»
IMDb վարկանիշը՝ 7,8
3 անվանակարգ՝ «Լավագույն վիզուալ էֆեկտներ», «Լավագույն դիմահարդարում և վարսահարդարում», «Լավագույն ձայն»
Այս սուպերհերոսական ֆիլմն աչքի է ընկնում աստղային դերասանական կազմով: Ֆիլմում նկարահանվել են Ռոբերտ Փեթինսոնը, Զոե Կրավիցը, Փոլ Դանոն, Քոլին Ֆարելը և շատ ուրիշներ։ Ֆիլմում անձամբ Բեթմենը կլինի թիրախում։ Նա պետք է լուծի բավականին բարդ խնդիր՝ տարբերել ընկերոջը թշնամուց և վերականգնել արդարությունը։
8. Ռուբեն Էսթլունդի «Տրտմության եռանկյունի»-ն
IMDb վարկանիշը՝ 7,5
3 անվանակարգ՝ «Լավագույն ֆիլմ, «Լավագույն ռեժիսոր», «Լավագույն օրիգինալ սցենար»
Այս սև կատակերգության մեջ սյուժեն պտտվում է սիրահարված զույգի շուրջը, որը որոշել է իր հանգիստն անցկացնել զբոսանավում՝ հարուստ մարդկանց շրջապատում: Որոշ ժամանակ ամեն ինչ իր բնականոն հունով կընթանա, բայց շուտով տեղի կունենա մի իրադարձություն, որը գլխիվայր կշրջի բոլոր ուղևորների կյանքը։
9. Սառա Պոլլիի «Խոսում են կանայք»
IMDb վարկանիշը՝ 7,5
2 անվանակարգ՝ «Լավագույն ֆիլմ», «Լավագույն ադապտացված սցենար»
Համայնքի կանայք գաղտնիք ունեն, որը ցանկանում են հրապարակել, սակայն հանգամանքների բերումով չեն կարողանում։ Այդժամ նրանք որոշում են հավաքվել և մտածել, թե ինչ քայլեր ձեռնարկեն, որպեսզի հանրայնացնեն այն, ինչի մասին չի կարելի լռել։
10. Շառլոթ Ուելսի «Արևն իմն է»
IMDb վարկանիշը՝ 7,8
1 անվանակարգ՝ «Լավագույն դերասան»
Ֆիլմի գործողությունները տեղի են ունենում 2000-ականների սկզբին։ 11-ամյա հերոսուհին հանգստանում է հանգստավայրում իր երիտասարդ հայրիկի հետ, որը բաժանված է մորից։ Աղջիկը զարմացնում է հորը իր գործողություններով և մտքերով ամբողջ ճանապարհորդության ընթացքում: Այնուամենայնիվ, կգա մի պահ, երբ հայր ու դուստրը պետք է հրաժեշտ տան միմյանց: Ի՞նչ հիշողություններ կունենան նրանք:
