«Վաշինգտոն Քեփիթալզի» ավագ Ալեքսանդր Օվեչկինը «Տորոնտոյի» դեմ NHL-ի կանոնավոր առաջնության հերթական տուրի խաղում կվերադառնա սահադաշտ: Այս մասին հայտարարել է մայրաքաղաքային թիմի գլխավոր մարզիչ Սպենսեր Քարբերին:
39-ամյա հարձակվողը նոյեմբերի 22-ին NHL-ի կանոնավոր առաջնության «Յուտայի» դեմ խաղում (6-2) ձախ ֆիբուլայի կոտրվածք էր ստացել: Օվեչկինը շարքից դուրս էր մնացել 4-6 շաբաթով։
Նա Հոկեյի ազգային լիգայի (NHL) պատմության երկրորդ լավագույն ռմբարկուն (868 գոլ) է, առաջատար կանադացի Ուեյն Գրեցկին ունի 894 գոլ:
«Տորոնտո» - «Վաշինգտոն» հանդիպումը տեղի կունենա դեկտեմբերի 29-ին:
