Fastex Հայաստանի Պրեմիեր լիգայի առաջատար Երևանի «Ուրարտուի» նորեկ, Մոսկվայի «Սպարտակի» նախկին կիսապաշտպան Արաս Օզբիլիսը կարծում է, որ եթե Սանկտ Պետերբուրգի «Զենիթը» նվաճի չեմպիոնությունը մոսկովյան ակումբի դեմ խաղում, ապա նրանք պետք է չեմպիոնական միջանցք կազմեն:

««Զենիթում» իրավացի չեն, չեմպիոնական միջանցքը հնարավոր է հաջորդ խաղում, սակայն ոչ բնավ՝ «Սպարտակի» դեմ խաղում, եթե, իհարկե, «Ռոստովը» պարտվի շաբաթ, ապա դա հնարավոր է, բայց ես չեմ կարծում, թե Կարպինը միավոր կզիջի «Ֆակելին»:

«Ռոստովի» դեմ միավորների կորստի դեպքում «Զենիթը» հաստատ չեմպիոն կհռչակվի: Եթե ամեն բան այս սցենարով ընթանա, ապա սպարտակցիները պետք է չեմպիոնական միջանցք կազմեն:

Կարևոր չէ, որ «Սպարտակն» ու «Զենիթը» սկզբունքային մրցակիցներ են, ֆուտբոլում կարևորը հարգանքն է»,- Հայաստանի հավաքականի նախկին ֆուտբոլիստի խոսքը մեջբերում է Sport24-ը:

Հիշեցնենք, որ 33-ամյա Օզբիլիսը «Սպարտակում» խաղացել է 2013-2016 թվականներին։

«Զենիթ» - «Սպարտակ» հանդիպումը կկայանա մայիսի 7-ին և կմեկնարկի Երևանի ժամանակով 19:00-ին: