տուր
01 Հունվար 1970 - 19:07
- «Արսենալի» հարձակողական ոճի կիսապաշտպան Մեսութ Օզիլը ծաղրական տոնով է արտահայտվել լոնդոնյան ակումբներից մյուսի՝ «Տոտենհեմի» հասցեին:
Հետևորդներից մեկը հարց է ուղղել գերմանացուն․ «Եթե ունենայիք ընտրություն՝ ավարտել կարիերան կամ խաղալ «Տոտենհեմում», ո՞ր տարբերակը կընտրեիք»:
«Կտեղափոխվեի այնտեղ, եթե չցանկանայի տիտղոսներ նվաճել 🏆😉»,- պատասխանել է Օզիլը:
Գերմանացին «Արսենալի» կազմում 4-ական անգամ դարձել է Անգլիայի գավաթակիր և սուպերգավաթակիր, հասել Եվրոպա լիգայի գավաթի խաղարկության եզրափակիչ:
Նա Մադրիդի «Ռեալից» 2013 թվականի սեպտեմբերին 47 մլն եվրոյի դիմաց է միացել «զինագործներին»: 31-ամյա կիսապաշտպանն Անգլիայի Պրեմիեր լիգայի 2019/20թթ․ առաջնությունում մասնակցել է 18 խաղի (բոլորը՝ մեկնարկային կազմում)՝ դառնալով 1 գոլի և 2 արդյունավետ փոխանցման հեղինակ: Ֆուտբոլիստի պայմանագիրը լոնդոնյան ակումբի հետ ուժի մեջ է մինչև 2021 թվականի ամառ:
Մեսութ Օզիլը կազմել է իր թիմակիցների խորհրդանշական հավաքականը
