«Չելսիի» կիսապաշտպան Քոլ Պալմերը պաշտոնապես Cold բառն իր մարքեթինգային բրենդն է դարձրել, հայտնում է The Ahtletic-ը:

Սա նշանակում է, որ ոչ մեկը՝ ֆիզիկական անձ կամ կազմակերպություն, չի կարող օգտագործել Cold բառը կոմերցիոն նպատակով առանց անգլիացի ֆուտբոլիստի թույլտվության, քանի որ այն արդեն իրավաբանորեն պատկանում է 23-ամյա խաղացողին:

Պալմերը մտադիր է օգտագործել իր բրենդը՝ վաճառելով բազմաթիվ ապրանքատեսակներ, օրինակ՝ խաղալիքներ, ջրային փոխադրամիջոցներ, արագ սնունդ և այլն:

Անգլիայի Պրեմիեր լիգայի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):