Պանամայում ութ մարդ է զոհվել Netflix-ի հարավկորեական Squid Game սերիալի ոճով հելոուինյան երեկույթի ժամանակ՝ հրաձգության հետևանքով. այս մասին հայտնում է արգենտինական TN հեռուստաալիքը:

Միջադեպը տեղի է ունեցել Սանտա Անայի ակումբներից մեկում ։ Երեկույթի ժամանակ տեղի է ունեցել երկու մրցակից ավազակախմբերի փոխհրաձգություն, որի արդյունքում սպանվել է 5 մարդ, 7-ը վիրավորվել են: Եվս երեք դի ոստիկանները հայտնաբերել են մոտակա աղբանոցում։

Հրաձգություն սկսած անձը տեղում մահացել է: Եվս չորսը մահացել են հիվանդանոցում: Ոստիկանները բերման են ենթարկել երկու անձի, որոնց թվում է սպանվածներից մեկի եղբայրը, նրա մոտ ևս հրազեն են հայտնաբերել:

The Squid Game-ի պրեմիերան կայացել է Netflix-ում՝ սեպտեմբերի 17-ին: Մեկ ամսից էլ կարճ ժամանակում սերիալը դիտվել է ավելի քան 111 միլիոն անգամ՝ դառնալով ամենադիտվածը հարթակի պատմության մեջ: