«Սևիլյան» իր պաշտոնական կայքում հայտարարել է թիմի գլխավոր մարզիչ Վինչենցո Մոնտելայի հետ համագործակցության դադարեցնման մասին:
«Ակումբն այսպիսի որոշում է կայացրել թիմի՝ վատ արդյունքներ գրանցելու պատճառով: «Սևիլյան» հաղթանակ չի գրանցել մարտի 13-ից՝ պարտության շարքը հասցնելով 9 խաղի: Մոնտելան կիրակի՝ ապրիլի 29-ին, մտադիր է հրապարակավ հաջողություն մաղթել երկրպագուներին և թիմի ֆուտբոլիստներին»,- գրված է հաղորդագրությունում:
Մոնտելան գլխավորել էր «Սևիլյան» 2017 թվականի ձմռանը: Նրա գլխավորությամբ «Սևիլյան» 28 խաղում 11 հաղթանակ է գրանցել, 7 հանդիպում ավարտել ոչ-ոքի և 10 պարտություն կրել:
«Սևիլյան» 34 տուրից հետո 48 միավորով զբաղեցնում է Իսպանիայի առաջնության մրցաշարային աղյուսակի 8-րդ հորիզոնականը:
