Պերուի մայրաքաղաք Լիմայում ավարտին մոտեցող ծանրամարտի պատանիների և երիտասարդների աշխարհի առաջնության հերթական մրցումային օրը Հայաստանը կունենա երկու ներկայացուցիչ:
Երևանի ժամանակով 22:30-ից պատանիների մինչև 96 կգ քաշային կարգի մրցապայքարին կմասնակցի Գրիգոր Ղազարյանը:
Ժամը 01:00-ից երիտասարդների մինչև 89 կգ քաշային կարգում Հայաստանը կներկայացնի պատանիների Եվրոպայի չեմպիոն Վալերիկ Մովսիսյանը: Ըստ նախնական պատվերների` հայ ծանրորդը կարող է միջամտել մեդալային պայքարին: Այս քաշային կարգի հաղթողի գլխավոր հավակնորդը իրանցի Իլիյա Սալեհի Պուրն է:
Հիշեցնենք, որ մայիսի 2-ին երիտասարդների մրցաշարում երկամարտի բրոնզե մեդալ է նվաճել Ալեքսանդրա Գրիգորյանը (55 կգ):
