Իտալական «Միլանի» լեգենդար, նախկին ֆուտբոլիստ Պաոլո Մալդինին կարող է պաշտոն ստանալ Ֆրանսիայի չեմպիոն ՊՍԺ-ում, հաղորդում է Corriere dello Sport-ը:
Միլանյան ակումբի նախկին տեխնիկական տնօրենը կարող է համանման պաշտոն ստանձնել փարիզյան ակումբում:
Մալդինիին հետաքրքրել է այս տարբերակը, սակայն նա Փարիզ կմեկնի միայն այն դեպքում, եթե ֆրանսիական ակումբի ղեկավարությունը հրաժարվի մարզական հարցերով խորհրդական Լուիշ Կամպուշի ծառայություններից:
Մալդինին կարող է նշանակվել նաև Իտալիայի հավաքականի պատվիրակության ղեկավար: Այդ պաշտոնին հավակնում են նաև Ջանլուիջի Բուֆոնը, Ջորջիո Կիելինին և Գաբրիելե Օրիալին:
Հիշեցնենք, որ 55-ամյա իտալացին ամբողջ մարզական կարիերան անցկացրել է «Միլանում», որի կազմում խաղացել է 1985-2009 թվականներին:
