Կատալոնական «Բարսելոնայի» և Իսպանիայի ազգային հավաքականի կիսապաշտպան Պեդրին խոստովանել է, որ զարմացել է իր թիմակից Ժերար Պիկեի՝ կարիերան ավարտելու որոշումից:
«Պիկեն ինձ շատ է դուր գալիս: Նա մշտապես օգնել է երիտասարդներին և ուրախացրել բոլորին: Ես չգիտեի, որ նա պատրաստվում է հեռանալ և այդ լուրը հարված էր ինձ համար:
Բայց ես լավագույնն եմ մաղթում Պիկեին ու շնորհակալ եմ նրան»,- Պեդրիի խոսքը մեջբերում է Mundo Deportivo-ն:
Հիշեցնենք, որ 35-ամյա Ժերար Պիկեն «Բարսելոնայի» կազմում մասնակցել է 616 խաղի ու նվաճել 28 տիտղոս:
