Կատալոնական «Բարսելոնայի» և Իսպանիայի հավաքականի կիսապաշտպան Պեդրին Գերմանիայի դեմ Եվրո-2024-ի քառորդ եզրափակիչի հանդիպման մեկնարկում վնասվածքի պատճառով փոխարինվել է:

Գերմանացիների կիսապաշտպան Տոնի Կրոսը 6-րդ րոպեին խախտել է կանոնները 21-ամյա Պեդրիի նկատմամբ: Իսպանացին ծնկի վնասվածք է ստացել և փոխարինվել:

Լուիս դե լա Ֆուենտեն հարկադրված փոխարինել է Պեդրիին՝ խաղադաշտ դուրս բերելով գերմանական «Լայպցիգի» վինգեր Դանի Օլմոյին:

Ընթանում է հանդիպման առաջին խաղակեսը, հաշիվը դեռևս չի բացվել: