Ռուսաստանը ներկայացնող հայ թենիսիստ Կարեն Խաչանովը և Անդրեյ Ռուբլյովը չեն կարողացել նվաճել Պեկինի ATP-500 կարգի մրցաշարի զուգախաղի տիտղոսը։

Եզրափակիչում Խաչանովն ու Ռուբլյովը 6-4, 3-6, 8-10 հաշվով պարտվել են մրցաշարի երրորդ համար Հարի Հելիովարա (Ֆինլանդիա) - Անրի Պատեն (Մեծ Բրիտանիա) զույգին։ Մրցախաղը տևել է 1 ժամ 31 րոպե։

Խաչանովն ու Ռուբլյովը զուգախաղում անցկացրել են համատեղ 5-րդ եզրափակիչը, նվաճել են մեկ տիտղոս` 2023թ. մայիսին հաղթելով Մադրիդի «Մասթերսը»։