Հայ թենիսիստ Կարեն Խաչանովը դուրս մնաց Չինաստանի մայրաքաղաք Պեկինում ընթացող ATP-500 կարգի մրցաշարից։ 

Առաջին շրջանում Ռուսաստանը ներկայացնող թենիսիստի մրցակիցը Ֆրանսիան ներկայացնող Ալեքսանդր Մյուլերն էր։ 2 ժամ 50 րոպե տևած պայքարում Մյուլերն առավելության հասավ 4-6, 7-6 (5), 6-4 հաշվով։ 

Խաչանովն այս մրցաշարից հետո չի հեռանա Չինաստանից և կնախապատրաստվի Շանհայի «Մասթերսին», որը կցուցադրվի «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում և Fast TV հավելվածում (iOS, Android):