«Մանչեսթեր Սիթիի» գլխավոր մարզիչ Պեպ Գվարդիոլան, պատասխանելով անգլիացի լրագրողի հարցին, հայտարարել է, որ Անգլիայի Պրեմիեր լիգան չի համարում Եվրոպայի ամենաբարդ առաջնությունը.
-Ես գիտեմ, որ ձեզ դուր է գալիս լսել՝ «սա ամենաբարդ առաջնությունն է», բայց դուք պետք է առաջ նայեք: Իհարկե, Պրեմիեր լիգան դժվարին մրցաշար է, շատ դժվարին: Բայց ես չէի ասի, թե «Սանտիագո Բեռնաբեուում», «Կամպ Նոում» կամ էլ Բիլբաոյի ու Սևիլյայի մարզադաշտերում խաղալը հեշտ է:
Իսպանական ակումբները վերջին տասնամյակում գտնվում են ամենաառաջնային դերերում թե՛ Չեմպիոնների լիգայում, թե՛ Եվրոպա լիգայում: «Սևիլյան» առհասարակ 3 անգամ անընդմեջ դարձել է Եվրոպա լիգայի գավաթակիր: Պրեմիեր լիգան կլինի ամենաբարդ մրցաշարն այն ժամանակ, երբ Չեմպիոնների լիգայում 5 թիմեր կարողանան հասնել եզրափակիչ հատվածին: Դրանից հետո միայն բոլորս կարող ենք ասել՝ «սա ամենաբարդ առաջնությունն է»,- ասել է Գվարդիոլան:
