«Կրասնոդարի» կիսապաշտպան Գաետան Պերենը, որը նախորդ մրցաշրջանում ամենաշատ գոլային փոխանցումն է կատարել Ֆրանսիայի առաջնությունում, կարծիք է հայտնել Հայաստանի հավաքականի ֆուտբոլիստ Էդուարդ Սպերցյանի մասին, հայտնում է Sport24-ը:
«Էդուարդը հիանալի ֆուտբոլիստ է: Սպերցյանը կարող է խաղալ ՊՍԺ-ի մակարդակի թիմում: Եթե նա միավորվի ՊՍԺ-ի մյուս թոփ ֆուտբոլիստների հետ, ապա կարող է հիանալի ֆուտբոլ ցուցադրել:
Իհարկե, ես կուզեի, որ նա մնար «Կրասնոդարում» և օգներ թիմին, բայց միաժամանակ հույս ունեմ՝ նա կկարողանա կարիերայի զարգացման հաջորդ քայլը կատարել և տեղափոխվել Եվրոպա»,- ասել է ֆրանսիացին:
