Լոնդոնի «Տոտենհեմի» խորվաթ կիսապաշտպան Իվան Պերիշիչը մտադիր է վերադառնալ Միլանի «Ինտեր», որի կազմում ելույթ է ունեցել 2015-2022-ին:
Tuttosport-ի տեղեկություններով, 34-ամյա ֆուտբոլիստի որոշման վրա ազդել է լոնդոնյան ակումբի նախկին գլխավոր մարզիչ Անտոնիո Կոնտեի հրաժարականը:
Հիշեցնենք, որ Պերիշիչը անգլիական ակումբի գույները պաշտպանում է 2022 թվականի հուլիսից:
Ընթացիկ մրցաշրջանում խորվաթ ֆուտբոլիստը «Տոտենհեմի» կազմում 39 խաղում խփել է 1 գոլ ու կատարել 11 ասիստ:
