Նիդերլանդների քառյակը դարձավ Փարիզի 33-րդ ամառային Օլիմպիական խաղերի աթլետիկայի մրցաշարի 4x400 խառը փոխանցումավազքի հաղթող:

Յուջին Օմալլան, Լիեկ Կլավերը, Իսայա Կլայն Իկկինկը և Ֆեմկե Բոլը միասին գրանցեցին 3 րոպե 7,43 վայրկյան արդյունք: Նորընծա օլիմպիական չեմպիոնները Եվրոպայի ռեկորդ սահմանեցին:

Երկրորդ տեղը գրավեցին ամերիկացիները (3:07,74), բրոնզե մեդալներն էլ նվաճեցին բրիտանացիները (3:08,01):

Ի դեպ, Ֆեմկե Բոլը վերջին պահին շրջանցեց ամերիկացի մրցակցին, որը եզրագիծը հատելիս թուլացրել էր տեմպը՝ չզգալով, որ նիդերլանդցի մրցակիցը մոտեցել է իրեն: